«Չելսիի» հարձակվող Քրիստոֆեր Նկունկուն ցանկանում է կարիերան շարունակել «Մանչեսթեր Յունայթեդում»։ Այս մասին հայտնում է CaughtOffside-ը։

Աղբյուրի համաձայն՝ 27-ամյա ֆրանսիացի ֆուտբոլիստը հետաքրքրված է «Մանչեսթեր Յունայթեդ» տեղափոխվելով: Նշվում է, որ Նկունկուն ձգտում է տրանսֆերի իրականացմանը: Ավելի վաղ տեղեկություններ էին հայտնվել, որ «կարմիր սատանաները» մտադիր են խաղացողին վարձակալել մինչև ընթացիկ մրցաշրջանի ավարտը։

Նկունկուն Անգլիայի ընթացիկ առաջնությունում անցկացրել է 19 հանդիպում՝ դառնալով երկու գոլի և մեկ գոլային փոխանցման հեղինակ։ Transfermarkt պորտալի փորձագետները ֆուտբոլիստի արժեքը գնահատում են 50 միլիոն եվրո։