«Վալենսիայի» գլխավոր մարզիչ Կառլոս Կորբերանը մեկնաբանել է թիմի կրած ջախջախիչ պարտությունը։ «Վալենսիան» պարտվել է «Բարսելոնային» 7:1 հաշվով։
«Զգացմունքային և մարտավարական մակարդակով անհնար է որևէ դրական բան վերցնել: Երբ թիմն այդպես է պարտվում, ես դրա պատասխանատվությունն եմ վերցնում։
Մեզ պակասում էր ինտենսիվությունն ու իրավիճակը հաղթահարելու կարողությունը։ Կարևոր է հասկանալ, թե ինչու մենք չենք հանդես եկել այն մակարդակով, որը պահանջում է մեր ակումբը: Ներողություն եմ խնդրում երկրպագուներից
Դժվար է նման արդյունքով գնահատել մրցավարական որոշումները։ Եղել են վիճելի իրավիճակներ, բայց այսօր դրանք պետք է մի կողմ դնել, քանի որ անհրաժեշտ մակարդակով չմրցեցինք», ասել է «Չղջիկների» մարզիչը։
