«Բարսելոնայի» նախկին մարզիչ Չավի Էրնանդեսը կարող է վերադառնալ մարզչական աշխատանքի։ Իսպանացի մասնագետը նոր ակումբ է փնտրում։ Այս մասին հայտնում է Marca-ն։

Ըստ աղբյուրի՝ Չավին ցանկանում է գլխավորել լուրջ նպատակներով եվրոպական ակումբ։ Միաժամանակ, Չավին բացառում է տարբերակներ Իսպանիայի առաջնությունում, որտեղ պատրաստ է աշխատել միայն «Բարսելոնայի» հետ։ Սպասվում է, որ իսպանացու նոր աշխատանքի մասին կհայտարարվի 2024/25 մրցաշրջանի ավարտին։

Հիշեցնենք, որ 45-ամյա մարզիչը կատալոնական թիմի գլխավոր մարզչի պաշտոնը զբաղեցրել է 2021-ից 2024 թվականներին։ Չավիի գլխավորությամբ «Բարսելոնան» դարձավ Լա Լիգայի չեմպիոն և նվաճեց Իսպանիայի Սուպերգավաթը։