Արգենտինացի հարձակվող Պաուլո Դիբալան կշարունակի ելույթները «Ռոմայի» կազմում։ Ֆուտբոլիստը կատարել է պայմանագրային բոլոր պայմանները, ուստի նրա պայմանագիրն ավտոմատ կերկարաձգվի։ Այս մասին հայտնում է Sky Sport-ը։

Ավելի վաղ մամուլում լուրեր էին տարածվել Դիբալայի՝ Ստամբուլի «Գալաթասարայ» հնարավոր տեղափոխության մասին։ Արգենտինացին «Գայլերի» կազմում հանդես է գալիս 2022 թվականի ամռանից։ Հռոմեական ակումբում Պաուլոն տարեկան վաստակում է մոտ ութ միլիոն եվրո։

Այս մրցաշրջանում Դիբալան «Ռոմայի» կազմում մասնակցել է 24 հանդիպման՝ դառնալով 5 գոլի և 3 գոլային փոխանցման հեղինակ։