«Մանչեսթեր Յունայթեդի» վինգեր Մարկուս Ռեշֆորդը կարող է կարիերան շարունակել «Վեսթ Հեմում»: Այս մասին հայտնում է El Nacional-ը։

Նշվում է, որ «Մուրճերը» հայտնվել են որպես անակնկալ առաջատար 27-ամյա անգլիացու համար պայքարում: Աղբյուրի համաձայն՝ «Բարսելոնան» շատ դժգոհ է ստեղծված իրավիճակից, քանի որ Ռեշֆորդը փոխել է իր միտքը:

Նախկինում հաղորդվում էր, որ կատալոնացիները պայմանավորվել են Ռեշֆորդի հետ վարձավճարով, բայց միայն այն դեպքում, եթե ակումբին հաջողվի նվազեցնել աշխատավարձի չափը: Հիշեցնենք, որ Ռեշֆորդը «Մանչեսթեր Յունայթեդի» սան է։ Նա իր ողջ կարիերան անցկացրել է անգլիական գրանդի կազմում։ Նա խաղադաշտում անցկացրել է 426 հանդիպում, խփել 138 գոլ և կատարել 63 արդյունավետ փոխանցում։