«Մանչեսթեր Սիթիի» մարզական տնօրեն Տխիկի Բեգիրիստայնը խոսել է նորեկ Օմար Մարմուշի մասին իր նորամուտից հետո:
Եգիպտոսցի հարձակվողը մեկնարկային կազմում է եղել «Քաղաքայինների» կազմում շաբաթ օրը «Չելսիի» դեմ խաղում, որն ավարտվել է 3։1 հաշվով հաղթանակով: Ֆրանկֆուրտի «Այնտրախտի» նախկին խաղացողը մինչ փոխարինվելը խաղադաշտում անցկացրել է 74 րոպե։
«Մենք շատ ուրախ ենք։ Մենք պայմանագիր կնքեցինք Բունդեսլիգայի լավագույն ֆուտբոլիստի հետ։ «Յուրաքանչյուր մարզիչ ցանկանում էր նրան տեսնել իր թիմում»,- Բեգիրիստայնի խոսքերն են մեջբերում անգլիական լրատվամիջոցները։
