Սերժիո Կոնսեյսաոն մեկնաբանել է Դավիդե Կալաբրիայի հետ բախումը։
Միլանի գլխավոր մարզիչը փոխավագին փոխարինեց 77-րդ րոպեին Ա Սերիայի 22-րդ տուրի՝ «Պարմայի» դեմ խաղում, երբ թիմը պարտվում էր 1:2 հաշվով։ «Ռոսոներիները» երկու գոլ խփեցին ավելացված ժամանակում՝ խլելով հաղթանակը:
Եզրափակիչ սուլիչից հետո պորտուգալացի մարզիչը վազեց 28-ամյա իտալացու մոտ և սկսեց բարձրաձայն ինչ-որ բան ասել նրան։ Ֆուտբոլիստներն ու Սերժիոյի շտաբի մարդիկ նրանց բաժանել են տարբեր ուղղություններով։
«Ես ապրում եմ խաղով, այս պահերին ունեմ մեծ կիրք և հաղթելու ցանկություն: Մի քիչ ավելորդ ադրենալին կար, Դավիդեի հետ քննարկեցի խաղային իրավիճակը, ու, իմ կարծիքով, շատ ավելորդ խոսքեր ասվեցին։
Ֆուտբոլիստները գիտեն, որ ինձ համար կարևոր են, ինչպես ընտանիքը։ Եթե ես ռեստորանում լինեմ, և իմ տղան անի մի բան, որը ինձ դուր չի գալիս, ես նրան կասեմ, դրա մեջ կեղծավորություն չկա: Դա այնքան էլ հաճելի չէր տեսնել, բայց դա նորմալ է ֆուտբոլում: Մենք եկեղեցում չենք», – ասաց Կոնսեյսաոն:
