Մադրիդի «Ռեալի» գլխավոր մարզիչ Կառլո Անչելոտտին մեկնաբանել է Լա Լիգայի 21-րդ տուրում «Վալյադոլիդի» նկատմամբ տարած հաղթանակը (3։0)։
«Կիլիան Մբապպեն մեզ շատ բան է տալիս։ Նա արագացնում է տեմպը, և պարզ է, որ դա մեզ համար պլյուս է։ Մենք պետք է հավասարակշռություն պահպանենք։ Առաջնությունը շատ երկար է շարունակվում՝ մտածելու համար, որ ամեն ինչ ավարտված է։ Մենք հիմա փոքր առավելություն ունենք, և հույս ունենք, որ կօգտվենք դրանից։
Կարևոր է միավորներ վաստակելը, պետք է ամեն խաղում պայքարել հաղթանակի համար։ Բոլոր թիմերը փորձում են հաղթել։ Դուք կարող եք մտածել, որ դա հեշտ հանդիպում էր, բայց մեզ համար դա միանգամից այնքան էլ հեշտ չէր։
Թիմը լավ խաղաց հանդիպմանը, մենք չէինք շտապում խնդիրը պարտադրել, իսկ հաշիվը բացելուց հետո հանդիպումը սովորականից պակաս բարդ ստացվեց։ Մենք թափ ենք հավաքել։ Պետք է շարունակենք ու շտկենք այն թերությունները, որոնք նախկինում ցույց ենք տվել»,- Անչելոտտիի խոսքերն է մեջբերում Marca-ն։
Լա Լիգայի մրցաշարային աղյուսակը, ստորև՝
