Պրեմիեր Լիգայի 23-րդ տուրում «Լիվերպուլը» հաղթեց «Իպսվիչին» (4։1)։ «Լիվերպուլի» հարձակվող Մոհամեդ Սալահը դարձավ գոլի հեղինակ։ Հարձակվողը Պրեմիեր Լիգայում իր 176-րդ գոլը խփեց հանդիպման 35-րդ րոպեին։

Այսպիսով, Մոհամեդ Սալահը Պրեմիեր Լիգայի պատմության լավագույն ռմբարկուների ցուցակում զբաղեցրեց յոթերորդ տեղը՝ շրջանցելով Լոնդոնի «Արսենալի» նախկին հարձակվող Թիերի Անրիին (175)։

Ֆրենկ Լեմպարդը 177 գոլով վեցերորդն է վարկանիշային աղյուսակում։ Առաջատարը Ալան Շիրերն է (260)։

Այս մրցաշրջանում Սալահը ակումբի կազմում անցկացրել է 32 հանդիպում բոլոր մրցաշարերում՝ դառնալով 23 գոլի և 17 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2025 թվականի ամառը։