«Մանչեսթեր Յունայթեդի» հարձակվող Մարկուս Ռեշֆորդը շարունակում է մնալ «Բարսելոնայի» տրանսֆերային նպատակների թվում։ «Բլաուգրանաները» պետք է կարգավորեն ֆինանսական հարցը, որպեսզի վարձակալեն անգլիացուն։
Ինչպես հայտնում է Relevo-ն, «Բարսելոնան» պլանավորում է Ռեշֆորդին օգտագործել որպես կենտրոնական հարձակվող, այլ ոչ թե հարձակման ձախում իր գլխավոր դերում։ Հանս-Դիտեր Ֆլիկը 27-ամյա ֆուտբոլիստին դիտարկում է որպես Ռոբերտ Լևանդովսկու փոխարինող։
Մարկուս Ռեշֆորդը շաբաթական վաստակում է մոտ 350,000 եվրո։ «Բարսելոնային» միանալու համար ֆուտբոլիստը ստիպված կլինի աշխատավարձի զգալի կրճատում կատարել, հակառակ դեպքում «Մանչեսթեր Յունայթեդը» ստիպված կլինի զիջումների գնալ։
