«Արսենալի» պաշտպան Ալեքսանդր Զինչենկոն կարող է կարիերան շարունակել Մադրիդի «Ատլետիկոյում»։ Ինչպես հայտնում է Sky Sport Germany-ն, մադրիդցիներն արդեն միացել են 28-ամյա ֆուտբոլիստի համար պայքարին։
Աղբյուրի համաձայն՝ «Ատլետիկոն» պատրաստ է ոչ միայն այս ձմռանը վարձակալել Զինչենկոյին, այլև գնել ֆուտբոլիստին։ Աղբյուրը հայտնում է, որ տրանսֆերի գումարը կարող է կազմել մոտ 20 միլիոն եվրո՝ գումարած բոնուսային վճարումները։
Նշվում է, որ ինքը՝ Զինչենկոն, մտադիր է հեռանալ «Արսենալից»։ Ֆուտբոլիստով շարունակում է հետաքրքրվել Դորտմունդի «Բորուսիան», սակայն գերմանացիներն առայժմ քիչ են ակտիվանում, քանի որ պաշտպանին չափազանց թանկ են համարում։
