Մադրիդի «Ռեալի» հարձակվող Վինիսիուս Ժունիորը մեկնաբանել է Նեյմարի ապագան, ով ներկայումս հանդես է գալիս «Ալ-Հիլալում»։
Խոսակցություններ կան, որ Նեյմարը ձմեռային տրանսֆերային պատուհանի ժամանակ կարող է վերադառնալ հարազատ «Սանթոս»:
«Նեյը մեր կուռքն է: Հուսով եմ՝ նա որքան հնարավոր է շուտ կվերադառնա Բրազիլիա։ Բրազիլիայի համար կարևոր է Նեյմարի նման խաղացող ունենալը, հատկապես՝ «Սանթոսում»:
Այս ակումբը նրա տունն է, նա այնտեղ շատ խաղեր է անցկացրել։ Այսպիսով, նա կարող էր ընդունել իր կյանքի լավագույն որոշումը»,- ասել է Վինիսիուսը TNT Sports-ին տված հարցազրույցում։
Հիշեցնենք, որ Նեյմարը հեռացավ «Սանթոսից» 2013 թվականի ամռանը՝ տեղափոխվելով «Բարսելոնա»։
