«Բարսելոնայի» գլխավոր մարզիչ Հանս-Դիտեր Ֆլիկը չի հավատում, որ թիմի հարձակվող Պաու Վիկտորը կարող է դառնալ Ռոբերտ Լևանդովսկու լիարժեք փոխարինողը։ Այս մասին հայտնում է Mundo Deportivo-ն։

Միաժամանակ, աղբյուրը նշում է, որ «Բարսելոնան» չի նախատեսում վաճառել 23-ամյա Վիկտորին, ում պայմանագիրը նախատեսված է մինչեւ 2029 թվականը։ Այս մրցաշրջանում 36-ամյա Լևանդովսկին բոլոր մրցաշարերում անցկացրած 29 խաղում դարձել է 28 գոլի և 3 գոլային փոխանցման հեղինակ։

Վիկտորն անցկացրած 18 խաղում խփել է ընդամենը 2 գոլ և կատարել 1 գոլային փոխանցում։ 20 տուրից հետո «Բարսելոնան» Իսպանիայի առաջնության մրցաշարային աղյուսակի երրորդ տեղում է՝ 39 միավորով։