«Չելսին» աշխատում է հարձակման գիծն ուժեղացնելու տարբերակներ գտնել։ Ինչպես սոցցանցերում հայտնում է հեղինակավոր ինսայդեր Ֆաբրիցիո Ռոմանոն, լոնդոնյան ակումբը առաջարկ է պատրաստում Ալեխանդրո Գառնաչոյի համար։
Նշվում է, որ «կարմիր սատանաները» մեծ գին են սահմանում՝ 70 միլիոն եվրո։ Միաժամանակ Գառնաչոյի նկատմամբ հետաքրքրություն է պահպանում նաև «Նապոլին», թեև Ա Սերիայի ակումբի 50 միլիոն եվրոյի առաջարկը մերժվել է, և նեապոլցիները բանակցություններ են սկսել «Բորուսիայի» հարձակվող Կարիմ Ադեյեմիի շուրջ։
2024/2025 մրցաշրջանում Ալեխանդրո Գառնաչոն անցկացրել է 32 հանդիպում։ Դրանցում 20-ամյա արգենտինացին խփել է ութ գոլ և հինգ գոլային փոխանցում կատարել։
