Մադրիդի «Ռեալի» հարձակվող Կիլիան Մբապպեն բացատրել է, թե ինչու է վատ խաղացել մադրիդյան ակումբի կազմում իր առաջին հանդիպումներում։ Նրա կարծիքով, ամեն ինչ կապված էր չափազանց մտածողության հետ։
«Իմ խնդիրն այն է, որ առաջին հանդիպումներում ես չափազանց շատ էի մտածում՝ ուր գնալ, որ գոտում լինել, ինչպես հարմարվել։ Իսկ երբ շատ ես մտածում, չես կարող լավ խաղալ»,- Կիլիանի խոսքերն է մեջբերում լրագրող Ֆաբրիցիո Ռոմանոն։
Այս մրցաշրջանում Մբապպեն բոլոր մրցաշարերում անցկացրել է 29 հանդիպում՝ դառնալով 17 գոլի և 3 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2029 թվականի ամառը։
