«Բարսելոնայի» գլխավոր մարզիչ Հանս-Դիտեր Ֆլիկը «Բենֆիկայի» հետ հանդիպումից հետո կիսվել է իր կարծիքով պաշտպան Էրիկ Գարսիայի խաղի մասին։
24-ամյա խաղացողն օգնեց կատալոնացիներին անհավանական վերադարձ կատարել Լիսաբոնում՝ հավասարեցնելով հաշիվը 86-րդ րոպեին։ Շուտով Ռաֆինյան խփեց հինգերորդ գոլը և հաղթանակ բերեց հյուրերին։
«Էրիկը մեզ համար կարևոր խաղացող է։ Նա պաշտպան է, բայց կարող է լավ խաղալ տարբեր դիրքերում։ Նրա մասնակցությունը հարձակմանը գոլային իրավիճակում պատահական չէ»,- Ֆլիկի խոսքերն է մեջբերում Barca Universal-ը։
Էրիկ Գարսիան շուտով կարող է հեռանալ «Բարսելոնայից»։ «Կոմոն» և «Ժիրոնան» հետաքրքրված են իսպանացու ծառայություններով:
