Դորտմունդի «Բորուսիան» հեռացրել է Նուրի Շահինին և այժմ նոր գլխավոր մարզիչ է փնտրում։ Ավելի վաղ հաղորդվում էր, որ հոլանդացի մասնագետ Էրիկ տեն Հագը կարող է գլխավորել գերմանական ակումբը։
Ինչպես հայտնում է Sky Sport-ը, հոլանդացին չի գլխավորի «Բորուսիան»։ Էրիկ տեն Հագի աշխատավարձը շատ բարձր է համարում գերմանական ակումբը, այդ իսկ պատճառով գործարքը չի կայանա։
Այժմ «Բորուսիան» բանակցություններ է վարում Նիկո Կովաչի հետ։ Խորվաթ մասնագետը գրեթե մեկ տարի է, ինչ առանց աշխատանքի է։
