«Բարսելոնայի» ուրուգվայցի պաշտպան Ռոնալդ Արաուխոն այս շաբաթ նոր աշխատանքային պայմանագիր կկնքի ակումբի հետ։ Այս մասին հայտնում է հեղինակավոր ինսայդեր Ֆաբրիցիո Ռոմանոն։
Ըստ աղբյուրի՝ կողմերն արդեն լիովին համաձայնեցրել են ապագա գործարքի բոլոր մանրամասները։ Ավելի վաղ հայտնի էր դարձել, թե որքան է նախատեսված 25-ամյա պաշտպանի նոր պայմանագիրը «Բարսելոնայի» հետ։
Նշվում է, որ կատալոնական ակումբը արդեն պատրաստ է պայմանագրերը երկարաձգել Պեդրիի, Գավիի և Ժերար Մարտինի հետ, իսկ Լամինե Յամալի պայմանագիրը հաջորդիվ կերկարաձգվի։
Այս մրցաշրջանում Արաուխոն բոլոր մրցաշարերում մասնակցել է հինգ հանդիպման և կատարել մեկ գոլային փոխանցում:
