«Մանչեսթեր Սիթիի» կենտրոնական պաշտպան Վիտոր Ռեիսը կիսվել է իր մեկնաբանությամբ իր նոր թիմի գլխավոր մարզիչ Պեպ Գվարդիոլայի մասին։
«Յուրաքանչյուր երիտասարդ ֆուտբոլիստ երազում է աշխատել Պեպ Գվարդիոլայի հետ: Գիտեմ, որ նա կօգնի ինձ դառնալ հնարավոր լավագույն ֆուտբոլիստը»,- Ռեիսի խոսքերն է մեջբերում «քաղաքայինների» մամուլի ծառայությունը։
Այսօր՝ հունվարի 21-ին, «Մանչեսթեր Սիթին» հայտարարեց բրազիլական «Պալմեյրասից» 19-ամյա Ռեիսի տեղափոխության մասին։
Կողմերի միջև կնքված աշխատանքային պայմանագիրը չորսուկես տարով է։ Խոսվում է, որ կենտրոնական պաշտպանի գնումը անգլիական ակումբին արժեցել է 35 միլիոն եվրո։
