«Մանչեսթեր Յունայթեդի» գլխավոր մարզիչ Ռուբեն Ամորիմը մեկնաբանել է Անգլիայի առաջնության 22-րդ տուրում «Բրայթոնից» կրած տնային պարտությունը (1:3).
«Մանչեսթեր Յունայթեդը» կրկնել է Պրեմիեր լիգայի վերջին 35 տարվա վատագույն մրցաշրջանը՝ 22 խաղում կրելով 10 պարտություն։
«Հերթական տնային պարտությունը մեզ համար, և դա անընդունելի է: Մենք պարտվեցինք գոլերի պատճառով։ Մենք կարողանում ենք ֆուտբոլ ցուցադրել, բայց այն կայուն չէ։ Մենք նյարդայնանում ենք, իսկ հետո ձախողվում: Վաղաժամ գոլ ընդունելուց հետո մեզ համար շատ դժվար էր շրջել իրավիճակը: Մենք շատ, շատ նյարդային ենք, իսկ մրցակիցը մեզնից լավն էր»,- ասել է Ամորիմը հետխաղյա հարցազրույցում։
