Լոնդոնի «Արսենալի» նախկին ֆուտբոլիստ Էդուարդոն պատմել է, թե ինչպիսի հարձակվող է պետք «զինագործներին» Անգլիայի Պրեմիեր լիգայում հաղթանակ տանելու համար։
«Ես հույս կդնեի Վլահովիչի վրա։ Երկրպագուները թիմում գերաստղի են սպասում: Կարծում եմ՝ հենց Դուշանն է օգնելու «Արսենալին» չեմպիոն դառնալ։
«Հարձակվողի խաղաոճը սազում է լոնդոնյան ակումբին»,- Էդուարդոյի խոսքերն է փոխանցում The Sun-ը։ Ընթացիկ մրցաշրջանում սերբ հարձակվողը «Յուվենտուսի» կազմում մասնակցել է 24 հանդիպման՝ դառնալով 12 գոլի և 2 գոլային փոխանցման հեղինակ:
Վլահովիչի տրանսֆերային արժեքը գնահատվում է 60 միլիոն եվրո, իսկ «Ծեր սինյորայի» հետ նրա պայմանագիրն ավարտվում է 2026 թվականի ամռանը։
