Ուրուգվայցի կենտրոնական պաշտպան Ռոնալդ Արաուխոն շուտով նոր պայմանագիր կկնքի «Բարսելոնայի» հետ։ Այս մասին հայտնում է հեղինակավոր ինսայդեր Ֆաբրիցիո Ռոմանոն։

Աղբյուրի փոխանցմամբ՝ կողմերի միջև սկզբունքային համաձայնություն է ձեռք բերվել անցյալ շաբաթ։ Շուտով տեղի կունենա եզրափակիչ հանդիպում, որտեղ կկարգավորվեն ապագա պայմանագրի վերջնական մանրամասները։

25-ամյա Արաուխոյի գործող աշխատանքային պայմանագիրը «Բարսելոնայի» հետ նախատեսված է մինչև 2026 թվականի հունիսի 30-ը։