«Միլանը» շարունակում է հետաքրքրվել «Չելսիի» հարձակվող Ժոաու Ֆելիշի ծառայություններով։

Ինչպես հաղորդում է Transfer News Live-ը, Ա Սերիայի թոփ ակումբը առաջարկ է արել Ֆելիշին վարձակալել մրցաշրջանի մնացած հատվածում՝ 35 միլիոն եվրոյով գնելու հնարավորությամբ։

Ավելի վաղ մամուլում տեղեկություն էր հայտնվել, որ «Չելսին» չի ցանկանում այս ձմռանը բաժանվել 25-ամյա Ֆելիշից։ 2024/2025 մրցաշրջանում Ժոաու Ֆելիշը անցկացրել է 19 հանդիպում՝ դառնալով 7 գոլի և երկու գոլային փոխանցման հեղինակ։

Նշենք, որ «Միլանը» ներկայումս զբաղեցնում է Իտալիայի առաջնության մրցաշարային աղյուսակի ութերորդ տեղը։