«Ժիրոնայի» մարզական տնօրեն Կիկե Կարսելը խոսել է «Բարսելոնայի» պաշտպան Էրիկ Գարսիայի հնարավոր տեղափոխության մասին։

«Մենք մտադիր ենք փորձել ձեռք բերել Էրիկ Գարսիային, բայց կախված ենք «Բարսելոնայի» պահանջներից։ Եթե ​​«Բարսելոնայի» պայմանները մեզ համար ընդունելի լինեն, ապա մենք կկարողանանք պաշտոնականացնել տրանսֆերը»,- ֆունկցիոների խոսքերն է մեջբերում Barca Universal-ը։

Այս մրցաշրջանում 24-ամյա Գարսիան բոլոր մրցաշարերում անցկացրել է 16 հանդիպում՝ դառնալով մեկ գոլի և մեկ գոլային փոխանցման հեղինակ։

Գարսիայի պայմանագիրը «Բարսելոնայի» հետ նախատեսված է մինչև 2026 թվականի ամառը։ Transfermarkt-ի տվյալներով՝ խաղացողի արժեքը 18 միլիոն եվրո է։