Մադրիդի «Ռեալը» հետաքրքրություն է ցուցաբերում «Արսենալի» 23-ամյա կենտրոնական պաշտպան Ուիլյամ Սալիբայի նկատմամբ։ Այս մասին հայտնում է Footmercato-ն։
Աղբյուրի համաձայն՝ «Արքայական» ակումբը չի դիտարկում ֆրանսիացի ֆուտբոլիստի անհապաղ տրանսֆերի տարբերակը, սակայն կարող է հետագայում ձեռք բերել նրան և արդեն կապ է հաստատել ֆուտբոլիստի շրջապատի հետ։
Այս մրցաշրջանում Սալիբան բոլոր մրցաշարերում անցկացրել է 30 հանդիպում՝ դառնալով երկու գոլի հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառ։
