Վերջերս լուրեր էին պտտվում, որ «Միլանը» միանգամից երկու անգլիացի ֆուտբոլիստների հետ է կապ հաստատել՝ «Մանչեսթեր Յունայթեդի» հարձակվող Մարկուս Ռեշֆորդի և «Մանչեսթեր Սիթիի» պաշտպան Քայլ Ուոքերի հետ:
Միաժամանակ տեղեկություններ հայտնվեցին, որ ռոսոներիների կազմում տեղ է մնացել միայն մեկ բրիտանացու համար։ Ինչպես հայտնում է Transfer News Live-ը՝ վկայակոչելով L’Equipe-ին, «Միլանը» հրաժարվել է Ռեշֆորդի տրանսֆերից՝ հօգուտ Ուոքերի գործարքի:
Ա Սերիայի թոփ-ակումբն այժմ առաջ է ընթանում 34-ամյա պաշտպանի հետ պայմանագիր կնքելու հարցում, ով ցանկություն է հայտնել հեռանալ «Մանչեսթեր Սիթիից»։
