Միկել Արտետան կարծում է, որ «Արսենալը» կպայքարի Պրեմիեր լիգայի չեմպիոնության համար:
Երեկ «զինագործները» Պրեմիեր լիգայի 21-րդ տուրում 2-1 հաշվով հաղթել են «Թոթենհեմին»։ «Լիվերպուլը» 47 միավորով շարունակում է միանձնյա գլխավորել մրցաշարային աղյուսակը «Նոթինգհեմ Ֆորեստի» հետ ոչ-ոքիից (1:1) հետո:
«Արսենալը» հետ է մնում չորս միավորով՝ մեկ խաղ ավել անցկացնելով։
«Մենք դեռ տիտղոսի համար պայքարում ենք։ Պայքարելու շատ բան կա, բայց մենք տեսնում ենք, թե որքան դժվար է յուրաքանչյուր թիմի համար հաղթելը։
Այս արդյունքը թույլ է տալիս վայելել պահը, և հիմա պատրաստվում ենք հաջորդ խաղին»,- ասել է «Արսենալի» մարզիչը։
