«Բարսելոնայի» գլխավոր մարզիչ Հանս-Դիտեր Ֆլիկը պատասխանել է Ռոնալդ Արաուխոյի՝ ակումբից հնարավոր հեռանալու մասին հարցին։
Կենտրոնական պաշտպանի նկատմամբ հետաքրքրություն է ցուցաբերում «Յուվենտուսը»։ Որոշ տեղեկությունների համաձայն՝ ուրուգվայցին որոշել է մնալ, թեև նախկինում հաղորդվում էր թիմը փոխելու նրա մտադրության մասին։
«Ես երբեք կասկածներ չեմ ունեցել Արաուխոյի ապագայի վերաբերյալ։ Ես այնքան ուրախ եմ, որ նա մեզ հետ է: Դուք տեսաք, թե ինչպես են երկրպագուները դիմավորել Ռոնալդին այս երեկո: Նա մեզ ինչ-որ առանձնահատուկ բան է տալիս»,- Ֆլիկի խոսքերը մեջբերում է լրագրող Ֆաբրիցիո Ռոմանոն Իսպանիայի գավաթի խաղարկությունում «Բետիսի» նկատմամբ 5-1 հաշվով հաղթանակից հետո տված հարցազրույցում։
