Իտալիայում կայացան տասնիններորդ տուրի հետաձգված հանդիպումները, «Ատալանտան» խաղաց Թուրինի «Յուվենտուսի» հետ և վաստակեց մեկ միավոր՝ թիմերը մեկական գոլ խփեցին երկրորդ խաղակեսում։
Թուրինյան ակումբի ամերիկացի հարձակվող Ուեսթոն Մաքքենին գոլային փոխանցում է կատարել, իսկ խաղից հետո մեկնաբանել է իր խաղը։
«Պետք է հաղթել այս տեսակի հանդիպումներում և փորձել երկրորդ գոլ խփել առաջինից հետո: Մեզ մոտ մի փոքր այլ կերպ է ստացվում՝ մենք գոլ ենք խփում, իսկ հետո նախաձեռնությունը տալիս մրցակցին: «Յուվենտուսը» չպետք է այսպիսին լինի»,- Մաքքենիի խոսքերն է մեջբերում Juvenews.eu-ն։
