Իսպանիայի Սուպերգավաթի եզրափակչում մադրիդցիները խոշոր՝ 2։5 հաշվով պարտվեցին «Բարսելոնային»։ Ինչպես հաղորդում է Fichajes-ը, ֆիասկոյից հետո «սերուցքայինների» գլխավոր մարզիչ Կառլո Անչելոտտին խնդրանքով դիմել է ակումբի նախագահ Ֆլորենտինո Պերեսին ու տնօրենների խորհրդին։
Աղբյուրի փոխանցմամբ՝ իտալացի մասնագետը տրանսֆերներ է խնդրել հատկապես պաշտպանական գիծն ուժեղացնելու համար։ Անչելոտտին կարծում է, որ բոլոր մրցաշարերում մրցելու համար «Ռեալը» պետք է ունենա ամուր և հուսալի պաշտպանություն:
Ակումբի տնօրենների խորհուրդը զգուշությամբ է գնահատում հնարավորությունները, սակայն հնարավոր է, որ «Լոս Բլանկոսը» ինչ-որ մեկի հետ պայմանագիր կնքի առաջիկա երկու շաբաթվա ընթացքում։
