Մադրիդի «Ռեալը» պատրաստվում է այս հունվարին առաջարկ անել «Մանչեսթեր Սիթիին» 20-ամյա վինգեր Սավիոյի տրանսֆերի համար։ Այս մասին հայտնում է Caught Offside-ը։
Ըստ աղբյուրի՝ «Լոս Բլանկոները», ինչպես ՊՍԺ-ն, վերջին շաբաթներին իրենց սկաուտներին ուղարկել են Անգլիա՝ բրազիլացի ֆուտբոլիստի խաղը դիտելու համար։ Միաժամանակ, «Մանչեսթեր Սիթին» գոհ է Սավիոյի ելույթներից և մտադիր չէ վաճառել նրան։
Այս մրցաշրջանում հարձակվողը բոլոր մրցաշարերում մասնակցել է 26 հանդիպման, որոնցում դարձել է մեկ գոլի և ութ գոլային փոխանցման հեղինակ։ Սավիոյի ներկայիս աշխատանքային պայմանագիրն ակումբի հետ ուժի մեջ է մինչև 2029 թվականի ամառը։
Transfermarkt-ը ֆուտբոլիստի արժեքը գնահատում է 55 միլիոն եվրո։
