Մադրիդի «Ռեալը» հիասթափեցրեց իր երկրպագուներին՝ Իսպանիայի Սուպերգավաթի եզրափակչում 2:5 հաշվով պարտվելով «Բարսելոնային»:
Ըստ ամենայնի, մադրիդյան ակումբը չի նախատեսում առաջիկայում փոխել գլխավոր մարզչին, թեպետ տեղեկություններ կային, որ անհաջողությունից հետո Կառլո Անչելոտտիի նկատմամբ վստահությունը նվազել է։
Ինչպես հայտնում է Relevo-ն, մրցաշրջանի ընթացքում Անչելոտիից հրատապ բաժանվելու դեպքում Սանտյագո Սոլարին կդառնա Մադրիդի «Ռեալի» ժամանակավոր մարզիչը։
48-ամյա արգենտինացին ներկայումս աշխատում է մադրիդյան ակումբի սպորտային հատվածում։ Մադրիդի «Ռեալը» այս պահին զբաղեցնում է Իսպանիայի առաջնության մրցաշարային աղյուսակի երկրորդ հորիզոնականը:
