Իսպանիայի Սուպերգավաթի եզրափակչում կատալոնական «Բարսելոնան» մրցեց Մադրիդի «Ռեալի» հետ և հաղթեց՝ 5:2 հաշվով։

«Բարսելոնայի» համար սա 100-րդ տիտղոսն էր ակումբի պատմության մեջ՝ չհաշված կատալոնյան մրցաշարերը։

«Բարսելոնան» 27 անգամ հաղթել է Իսպանիայի առաջնությունում, 31 անգամ՝ Իսպանիայի գավաթը, 15 անգամ՝ Իսպանիայի սուպերգավաթը, 3 անգամ՝ Եվա Դուարտեի գավաթը, 2 անգամ՝ Իսպանիայի լիգայի գավաթը, 5 անգամ՝ Չեմպիոնների Լիգան, 4 անգամ՝ գավաթակիրների գավաթը, 5 անգամ Եվրոպայի Սուպերգավաթը, 3 անգամ՝ Միջքաղաքային Տոնավաճառների Գավաթը, 3 անգամ՝ Աշխարհի ակումբային առաջնությունը և 2 անգամ՝ Լատինական գավաթը։

Կատալոնիայում ընթացող տարածաշրջանային մրցաշարերում «Բարսելոնան» նույնպես 33 հաղթանակ է տարել։