Վերջին օրերին մամուլը «Միլանին» կապում էր մանչեսթերյան ակումբների երկու խաղացողների՝ պաշտպան Քայլ Ուոքերի և հարձակվող Մարկուս Ռեշֆորդի հետ:

Այնուամենայնիվ, «ռոսոներիների» կազմում տեղ կա Մեծ Բրիտանիայից միայն մեկ խաղացողի համար: Այդ պատճառով Ա Սերիայի ակումբը ստիպված կլինի ընտրություն կատարել Ուոքերի և Ռեշֆորդի միջև:

Այս մասին հայտնում է Transfer News Live-ը։ 34-ամյա Քայլ Ուոքերին հեղինակավոր Transfermarkt պորտալը գնահատում է 10 մլն եվրո, իսկ 27-ամյա Մարկուս Ռեշֆորդին՝ 55 մլն եվրո։ «Միլանը» ներկայումս զբաղեցնում է Իտալիայի առաջնության մրցաշարային աղյուսակի ութերորդ տեղը։