«Լիվերպուլի» հարձակվող Դարվին Նունյեսը չի արդարացնում սպասելիքները և կարող է տեղափոխվել նոր ակումբ: Խոսակցություններ կան, որ 25-ամյա ուրուգվայցու նկատմամբ հետաքրքրություն է ցուցաբերում Սաուդյան Արաբիայի «Ալ-Հիլալը»:

Այս ֆոնի վրա «Լիվերպուլը» հսկայական գին է սահմանել Նունյեսի համար: Անգլիական Պրեմիեր լիգայի գրանդը պատրաստ կլինի վաճառել հարձակվողին 85 միլիոն ֆունտով (մոտ 101 միլիոն եվրո):

Այս մասին հայտնում է Anfield Watch-ը։

Հարկ է նշել, որ «Ալ-Հիլալը» ներկայումս մարզում է Խորխե Ժեզուսը, ով նախկինում աշխատել է Նունյեսի հետ պորտուգալական «Բենֆիկայում»: 2024/2025 մրցաշրջանում Դարվին Նունյեսը անցկացրել է 26 հանդիպում՝ դառնալով չորս գոլի հեղինակ։