Մյունխենի «Բավարիայի» մարզական տնօրեն Մաքս Էբերլը խոսել է թիմի պաշտպան Ալֆոնսո Դեյվիսի պայմանագրի շուրջ ստեղծված իրավիճակի մասին։
Հիշեցնենք, որ կողմերը երկար ժամանակ բանակցում էին աշխատանքային պայմանագրի երկարաձգման շուրջ։
«Գաղտնիք չէ, որ մենք բանակցություններ ենք վարում այն խաղացողների գործակալների հետ, որոնց պայմանագրերը ավարտվում են: Մենք պայմանավորվեցինք, որ ամեն ինչ պետք է որոշվեր մեծ հանդիպումների մեկնարկից առաջ։ Մենք փորձում ենք այնպես անել, որ բոլոր կողմերը գոհ լինեն»,- մարզական տնօրենի խոսքերն է մեջբերում լրագրող Ֆաբրիցիո Ռոմանոն։
24-ամյա կանադացու գործող աշխատանքային պայմանագիրը «Բավարիայի» հետ նախատեսված է մինչև այս տարվա հունիսի վերջը:
