Կիսապաշտպան Կազեմիրոն մոտ է «Մանչեսթեր Յունայթեդից» Սաուդյան Արաբիա հեռանալուն: Ըստ բրազիլական UOL-ի՝ 32-ամյա Կազեմիրոն արդեն համաձայնեցրել է պայմանագիրը ապագա թիմի հետ։
Սակայն չի նշվում, թե որ ակումբ է տեղափոխվելու բրազիլացի ֆուտբոլիստը։ Կազեմիրոյի անունը նախկինում կապվում էր «Ալ Նասրի» հետ:
Տեղեկություններ կային, որ բրազիլացու տրանսֆերին աջակցել է աստղային հարձակվող Կրիշտիանու Ռոնալդուն, ով երկու տարի է ինչ ներկայացնում է «Ալ Նասրը»:
Transfermarkt հեղինակավոր պորտալի փորձագետները Կազեմիրոյին գնահատում են 12 մլն եվրո։
