ՊՍԺ-ի կենտրոնական պաշտպան Միլան Շկրինյարը կարող է հայտնվել Անգլիայի առաջնությունում:

Ինչպես բազմիցս հաղորդվել է, Լիգա 1-ի հսկան պատրաստ է հունվարին բաժանվել սլովակացուց, քանի որ գլխավոր մարզիչ Լուիս Էնրիկեն հույս չի դնում նրա վրա։

Ինչպես հայտնում է Daily Mail-ը, Շկրինյարի ծառայություններն առաջարկվել են «Ասթոն Վիլային»: Ակումբը դիտարկում է Պաու Տորեսի վնասվածքի պատճառով պաշտպանության կենտրոնն ուժեղացնելու մասին։ Իսպանացին բաց կթողնի մոտ երկու ամիս։

Միլան Շկրինյարի արժեքը, ըստ Transfermarkt-ի փորձագետների, կազմում է 15 միլիոն եվրո։ Միլանի «Ինտերի» նախկին ֆուտբոլիստը փետրվարին կդառնա 30 տարեկան։