Իսպանիայի Սուպերգավաթի կիսաեզրափակիչում հինգշաբթի երեկոյան Մադրիդի «Ռեալը» կխաղա «Մալյորկայի» հետ։
Մադրիդյան թիմին չի օգնի փորձառու կիսապաշտպան Լուկա Մոդրիչը։ «Սերուցքայինների» մամուլի ծառայությունը հայտնում է, որ 39-ամյա խորվաթացին խաղադաշտ դուրս չի գա վիրուսային վարակի պատճառով։
Մադրիդի «Ռեալը» չի հայտնել Մոդրիչի ապաքինման ժամկետը։ «Ռեալ» – «Մալյորկա» հանդիպումը կմեկնարկի Երևանի ժամանակով 23:00-ին:
