Մադրիդի «Ռեալի» ֆուտբոլիստ Լուկաս Վասկեսը պատասխանել է իր ապագայի մասին հարցին:

«Դեռ վաղ է խոսել այն մասին, թե ինչ է սպասվում իմ կարիերայում: Հիմա ես երջանիկ եմ «Ռեալում» և հաճույք եմ ստանում: Կտեսնենք, թե ինչ կլինի, հիմա ավելին չեմ կարող ասել»,- Վասկեսի խոսքերն է մեջբերում Marca-ն։

33-ամյա Վասկեսը Մադրիդի «Ռեալի» երիտասարդական համակարգի արդյունք է և ընթացիկ մրցաշրջանում մադրիդյան ակումբի կազմում անցկացրել է 23 հանդիպում՝ դառնալով երկու գոլի և երկու գոլային փոխանցման հեղինակ։

Իսպանացու գործող պայմանագիրը նախատեսված է մինչև 2025 թվականի հունիսի 30-ը, իսկ նրա տրանսֆերային արժեքը գնահատվում է 3,5 միլիոն եվրո։