«Բարսելոնայի» հարձակվող Լամին Յամալը նշել է, որ կցանկանար մինչև ընթացիկ մրցաշրջանի ավարտը նվաճել բոլոր հնարավոր տիտղոսները։ Իսպանացին խոսել է նաև «կապտանռնագույնների» գլխավոր մարզիչ Հանս-Դիտեր Ֆլիկի մասին:
«Ճիշտ է, որ Ֆլիկը այլ մարզիչ է, ով բոլորովին այլ խաղաոճ ունի: Մենք փորձել ենք հարմարվել նրա պահանջներին, և կարծում եմ՝ դա մեզ հաջողվել է։
Այս տարի մենք կանենք ամեն ինչ, որպեսզի նվաճենք բոլոր տիտղոսները՝ սկսած Իսպանիայի Սուպերգավաթի խաղարկությունից»,- Յամալի խոսքերն է մեջբերում Football España-ն։
Այս մրցաշրջանում Յամալը բոլոր մրցաշարերում մասնակցել է 21 հանդիպման, որոնցում դարձել է 6 գոլի և 12 գոլային փոխանցման հեղինակ։
