«Յուվենտուսը» ցանկանում է պայմանագիր կնքել «Մանչեսթեր Յունայթեդի» հարձակվող Ջոշուա Ցիրկզեի հետ։ Այս մասին հայտնում է TuttoJuve-ն։
Աղբյուրի համաձայն՝ իտալական գրանդը «կարմիր սատանաներին» առաջարկել է 26-ամյա հենակետային կիսապաշտպան Դուգլաս Լուիսին՝ Զիրկզեի դիմաց։
Դուգլաս Լուիսը թուրինյան ակումբ է տեղափոխվել «Ասթոն Վիլայից» անցած ամառ։ Այս ընթացքում նա բոլոր մրցաշարերում մասնակցել է 13 հանդիպման, որոնցում գոլ չի խփել։ Ֆուտբոլիստի աշխատանքային պայմանագիրն ակումբի հետ նախատեսված է մինչև 2029 թվականի ամառ։
