«Բարսելոնայի» հարձակվող Ռաֆինյան պատասխանել է այն հարցին, թե արդյոք Դանի Օլմոյի և Պաու Վիկտորի հետ կապված իրավիճակը ազդում է ակումբի հավանական ձեռքբերումների վրա։
«Կարծում եմ՝ այո։ Եթե այլ կերպ պատասխանեի, կստեի։ Եթե ես լինեի այլ ակումբում և տեսնեի այն իրավիճակը, որում գտնվում էին Օլմոն և Վիկտորը, հավանաբար կմտածեի, թե արդյոք տեղափոխվեմ նման ակումբ»,- Ռաֆինյայի խոսքերն է մեջբերում Barca Universal-ը։
Հիշեցնենք, որ Լա Լիգան նախկինում մերժել էր «Բարսելոնային» մրցաշրջանի երկրորդ հատվածում Օլմոյի ու Վիկտորի գրանցումը։ 19 տուրից հետո «Բարսելոնան» Իսպանիայի առաջնությունում 38 միավորով զբաղեցնում է երրորդ տեղը։
