«Բարսելոնայի» նախկին հարձակվող Նեյմարը, ով այժմ հանդես է գալիս «Ալ-Հիլալում», պատասխանել է իր «Ինտեր Մայամի» հնարավոր տեղափոխության մասին հարցին, որտեղ հանդես են գալիս կատալոնական ակումբի իր նախկին թիմակիցներ Լիոնել Մեսսին և Լուիս Սուարեսը։
«Ակնհայտ է, որ հիանալի կլիներ կրկին խաղալ Լեո Մեսսիի և Լուիս Սուարեսի հետ։ Նրանք իմ ընկերներն են։ Մենք դեռ շարունակում ենք կապը: Հետաքրքիր կլիներ վերակենդանացնել մեր եռյակը։
Ես երջանիկ եմ «Ալ-Հիլալում» և Սաուդյան Արաբիայում, բայց ով գիտի։ Ֆուտբոլը լի է անակնկալներով։ Նախագիծը, որն ինձ առաջարկեցին Սաուդյան Արաբիայում շատ լավն էր ոչ միայն ինձ, այլ նաև իմ ընտանիքի համար, ուստի այս երկիր մեկնելը լավագույն տարբերակն էր»,- Նեյմարի խոսքերն է մեջբերում CNN-ը։
Հիշեցնենք, որ Նեյմարը, Մեսսին և Սուարեսը միասին խաղացել են «Բարսելոնայում» 2014-ից 2017 թվականներին։
