«Նյուքասլի» կենտրոնական պաշտպան Ֆաբիան Շերը, ամենայն հավանականությամբ, կշարունակի ելույթները անգլիական ակումբում: Այս մասին հայտնում է լրագրող Ֆաբրիցիո Ռոմանոն։
Աղբյուրի համաձայն, «կաչաղակները» վերջերս սկսել են ակտիվանալ ֆուտբոլիստի նոր պայմանագրի շուրջ բանակցություններում:
Հստակեցվում է, որ ակումբի ղեկավարությունը շատ է ցանկանում 33-ամյա շվեյցարացուն պահել իր շարքերում։ Հիշեցնենք, որ Շերը «Նյուքասլում» հանդես է գալիս 2018 թվականից։
Ընթացիկ մրցաշրջանում նա մասնակցել է 20 հանդիպման՝ ներառյալ բոլոր մրցաշարերը, և դարձել չորս գոլի հեղինակ։
Պաշտպանի գործող աշխատանքային պայմանագիրը «կաչաղակների» հետ ավարտվում է հաջորդ ամառ:
