Հայտնի է դարձել, թե ում կարող է գնել «Լիվերպուլը»՝ փոխարինելու իր վինգեր Մոհամեդ Սալահին։
Ինչպես հաղորդում է Fichajes-ը, «Լիվերպուլը» ցանկանում է ձեռք բերել Մյունխենի «Բավարիայի» վինգեր Լերոյ Սանեին, եթե ընթացիկ մրցաշրջանի ավարտից հետո Սալահը հեռանա ակումբից։
Ավելի վաղ Սալահը խոստովանել էր, որ ոչ մի առաջընթաց չի գրանցել «Լիվերպուլի» հետ նոր պայմանագրի շուրջ բանակցություններում։
Այս մրցաշրջանում 28-ամյա Սանեն բոլոր մրցաշարերում անցկացրել է 19 հանդիպում, դարձել հինգ գոլի և մեկ գոլային փոխանցման հեղինակ։ Գերմանացի ֆուտբոլիստի գործող աշխատանքային պայմանագիրը «Բավարիայի» հետ ավարտվում է հաջորդ ամառ։
