«Բարսելոնան» չկարողացավ հաջողության հասնել մրցաշրջանի երկրորդ հատվածում կիսապաշտպան Դանի Օլմոյին և հարձակվող Պաու Վիկտորին գրանցելու փորձերում:

Կատալոնացիները չեն հանձնվում, նրանք կապ են հաստատել սպորտի բարձրագույն խորհրդի հետ: Կառավարական գործակալությունը շուտով կուսումնասիրի փաստաթղթերը, որից հետո եզրակացություն կանի և ողջ տեղեկատվությունը կփոխանցի Խոսե Մանուել Ռոդրիգես Ուրիբեսին։

Հենց նա՝ Մարզական բարձրագույն խորհրդի ղեկավարը, կկայացնի վերջնական որոշումը, նշում է Mundo Deportivo-ն։

Իսպանական լրատվամիջոցները գրում են, որ Ուրիբեսը Մադրիդի «Ռեալի» երկրպագու է։ Սակայն դա չպետք է ազդի որոշում կայացնելիս նրա օբյեկտիվության վրա։