Մադրիդի «Ռեալի» գլխավոր մարզիչ Կառլո Անչելոտտին բարձր է գնահատել թիմի հարձակվող Էնդրիկի ելույթը Իսպանիայի գավաթի 1/16-րդ եզրափակչի «Դեպորտիվա Միներայի» դեմ խաղում (5։0)։
18-ամյա բրազիլացին ամբողջ հանդիպումն անցկացրել է, սակայն գոլ չի խփել։
«Էնդրիկը լավ խաղաց։ Նա լավ էր շրջում խաղադաշտում և հնարավորություններ ուներ իր արդյունավետ շարժման շնորհիվ։ Նրան մի քիչ սրություն ու սառնասրտություն էր պակասում։ Նա պետք է համբերատար մնա, կատարելագործվի և շարունակի կատարելագործվել ինքն իրեն։ Երբ նա մեզ անհրաժեշտ լինի, նա գոլ կխփի»,- Անչելոտտիի խոսքերն է մեջբերում ակումբի մամուլի ծառայությունը։
Մադրիդի «Ռեալում» անցկացրած իր առաջին մրցաշրջանում Էնդրիկը բոլոր մրցաշարերում անցկացրած 15 խաղում դարձել է 2 գոլի և 1 գոլային փոխանցման հեղինակ։
