«Լիվերպուլի» հարձակվող Մոհամեդ Սալահն այս մրցաշրջանում Պրեմիեր Լիգայի 19 խաղում դարձել է 18 գոլի և 13 գոլային փոխանցման հեղինակ։ Երեկ ֆուտբոլիստը գոլ խփեց «Մանչեսթեր Յունայթեդին» (2։2) և իր անունը գրեց Պրեմիեր Լիգայի պատմության մեջ։
«Մանչեսթեր Յունայթեդի» դարպասը խփած գոլը Սալահի համար 175-րդն էր Պրեմիեր Լիգայի կարիերայում, և այս ցուցանիշով նա հավասարվեց «Արսենալի» լեգենդար հարձակվող ֆրանսիացի Թիերի Անրիին։
Ընդհանուր առմամբ, նրանք երկուսն էլ այժմ զբաղեցնում են 7-րդ տեղը Պրեմիեր Լիգայի ռմբարկուների ցուցակում։
