Մամուլը շարունակում է կապել հարձակվող Ջոշուա Զիրկզեին Ա Սերիա վերադառնալու հետ: Խոսվում է, որ հոլանդացի ֆուտբոլիստի գործակալը ակտիվ բանակցություններ է վարում Զիրկզեի «Մանչեսթեր Յունայթեդից» «Յուվենտուս» տեղափոխության շուրջ:
Ինչպես փոխանցում է Transfer News Live-ը՝ talkSPORT-ին հղումով, «Յուվենտուսը» Դուշան Վլահովիչին առաջարկել է «Մանչեսթեր Յունայթեդին»՝ որպես Ջոշուա Զիրկզեի գործարքի մաս։
24-ամյա սերբի պայմանագիրը Թուրինում ավարտվում է մեկուկես տարուց, և ֆուտբոլիստը պայմանագիրը երկարաձգելու ցանկության որևէ նշան ցույց չի տվել: Այս մրցաշրջանում անցկացրած 23 պաշտոնական հանդիպումներում Դուշան Վլահովիչը դարձել է 12 գոլի հեղինակ։
